ມາດຕະຖານການທ່ອງທ່ຽວອາຊຽນ ຈະຊ່ວຍປັບປຸງມາດຕະຖານການບໍລິການຢູ່ ສປປ ລາວ. ນັກທ່ອງທ່ຽວຈະໄດ້ຮັບປະສົບການທີ່ດີກວ່າ ແລະ ຈະແນະນໍາການທ່ອງທ່ຽວໃນ ສປປ ລາວ ໃຫ້ກັບໝູ່ເພື່ອນ ແລະ ຄອບຄົວຂອງເຂົາເຈົ້າຮັບຮູ້ນໍາ. ບັນດາທຸລະກິດທີ່ໄດ້ຮັບມາດຕະຖານການທ່ອງທ່ຽວອາຊຽນຈະມີຄວາມໝັ້ນໃຈໃນການໃຫ້ບໍລິການຂອງຕົນ ແລະ ສ້າງຄວາມປະທັບໃຈໃຫ້ແກ່ນັກທ່ອງທ່ຽວເລີ່ມແຕ່ຄັ້ງທຳອິດທີ່ເຂົາເຈົ້າໄດ້ຮັບການບໍລິການ.

ບັນດາຜູ້ປະກອບການທຸລະກິດ ແລະ ບັນດາພາກສ່ວນທີ່ກ່ຽວຂ້ອງ ທີ່ໄດ້ຮັບໃບຢັ້ງຢືນ ແລະ ແຜ່ນປ້າຍລາງວັນມາດຕະຖານການທ່ອງທ່ຽວອາຊຽນສາມາດນໍາໃຊ້ໃນການສົ່ງເສີມການຕະຫຼາດ ແລະ ການຂາຍທາງອອນ ແລະ ຈະຖຶກບັນຈຸເປັນລາຍຊື່ບູລິມະສິດຢູ່ໃນເວັບໄຊທ່ອງທ່ຽວທີ່ເປັນທາງການ ແລະ ເປັນທີ່ຮູ້ຈັກຫຼາຍຂຶ້ນຢູ່ໃນສື່ມວນຊົນໃນ ສປປ ລາວ. ໃນລະດັບສາກົນ ຈະມີລາຍຊື່ຢູ່ໃນເວັບໄຊທາງການຂອງກອງເລຂາອາຊຽນ (www.asean.org) ແລະ ໄດ້ຮັບການໂຄສະນາໃນເວທີປາໄສການທ່ອງທ່ຽວອາຊຽນປະຈຳປີ, ໃນງານເທດສະການຕ່າງໆ ແລະ ໃນເວທີກອງປະຊຸມທ່ອງທ່ຽວທັງພາຍໃນ ແລະ ຕ່າງປະເທດທີ່ກ່ຽວຂ້ອງ.