ເຮືອນພັກແຮມປະຊາຊົນຢູ່ໃກ້ກັບແຫຼ່ງທ່ອງທ່ຽວທາງທໍາມະຊາດ ແລະ ວັດທະນະທໍາ ແລະ ຜູ້​ໃຫ້​ບໍລິການ​​​ເຮືອນພັກແຮມປະຊາຊົນໄດ້​ຮັບການ​ຝຶກ​ອົບຮົມ​ກ່ຽວກັບຫຼັກສູດ​​​ເຮືອນພັກແຮມປະຊາຊົນ.

ເຮືອນຢູ່ໃນສະພາບດີ, ສະທ້ອນເຖິງສະຖາປັດຕະຍະກໍາ ແລະ ຄວາມເປັນເອກະລັກຂອງທ້ອງຖິ່ນ, ມີຫ້ອງນອນ ແລະ ຫ້ອງນໍ້າ ສໍາລັບແຂກ,​ໄຟຟ້າ ແລະ ນ້ຳສະອາດຢ່າງ​ພຽງພໍ.

ກິດຈະກໍາພາຍໃນບ້ານ ແລະ ກິດຈະກໍາແບບຊຸມຊົນມີສ່ວນຮ່ວມ ຮັກສາເອກະລັກ, ຄຸນຄ່າ ແລະ ວັດທະນະທໍາດັ້ງເດີມຂອງທ້ອງຖິ່ນ ເພື່ອເຮັດໃຫ້ນັກທ່ອງທ່ຽວໄດ້ຮຽນຮູ້ ແລະ ສໍາພັດປະສົບການທີ່ແຕກຕ່າງ ແລະ ເປັນຂອງແທ້ດັ້ງເດີມ.

ການຈັດຕັ້ງເຮືອນ​ພັກ​ແຮມ​ປະ​ຊາ​ຊົນ ມີໂຄງຮ່າງການຈັດຕັ້ງຢ່າງເປັນລະບົບ, ກໍານົດພາລະບົດບາດ, ໜ້າທີ່ຮັບຜິດຊອບ ແລະ ຂອດການປະສານງານທີ່ຊັດເຈນ ເຊິ່ງດຳເນີນແບບທຸລະກິດການຄ້າ, ແຕ່ມີຄວາມຮັບຜິດຊອບຕໍ່ສັງຄົມ, ວັດທະນະທຳ ແລະ ສິ່ງແວດລ້ອມ; ມີການສ້າງຄວາມເຂັ້ມແຂງ ແລະ ການຝຶກອົບຮົມການບໍລິຫານຄຸ້ມຄອງເຮືອນ​ພັກ​ແຮມ​ປະ​ຊາ​ຊົນ.