ມີການຄຸ້ມຄອງທີ່ມີປະສິດທິພາບ ແລະ ໂປ່ງໃສ, ໄດ້ຮັບການຮັບຮອງການສ້າງຕັ້ງການທ່ອງທ່ຽວແບບປະຊາຊົນມີສ່ວນຮ່ວມຢ່າງຖືກຕ້ອງຕາມກົດໝາຍ ແລະ ມີການຮ່ວມມືຂອງບັນດາພາກສ່ວນທີ່ກ່ຽວຂ້ອງທີ່ມີປະສິດທິຜົນ.

ຮັກສາວິຖີຊີວິດຊຸມຊົນ, ແບ່ງປັນຜົນໄດ້ຮັບ ແລະ ຄ່າໃຊ້ຈ່າຍເທົ່າທຽມກັນ, ເຊື່ອມໂຍງກັບເສດຖະກິດພາກພື້ນ, ປົກປັກຮັກສາ ແລະ ສືບທອດວັດທະນະທຳ ແລະ ຮີດຄອງປະເພນີ.

ອະນຸລັກຊັບພະຍາກອນທຳມະຊາດ ແລະ ຈັດຕັ້ງປະຕິບັດວຽກງານເພື່ອປົກປັກຮັກສາສິ່ງແວດລ້ອມຂອງຊຸມຊົນ.

ມີການແລກປ່ຽນລະຫວ່າງນັກທ່ອງທ່ຽວ ແລະ ຊຸມຊົນທ້ອງຖິ່ນເພື່ອສ້າງຄວາມເຂົ້າໃຈທາງດ້ານວັດທະນະທໍາ ແລະ ເປີດໂອກາດໃຫ້ນັກທ່ອງທ່ຽວໄດ້ຮ່ວມເຮັດກິດຈະກໍາຕ່າງໆຂອງຊຸມຊົນ ແລະ ມີຜະລິດຕະພັນທີ່ເປັນເອກະລັກ ແລະ ການບໍລິການທີ່ເໝາະສົມຕາມຄວາມຕ້ອງການຂອງຕະຫຼາດເພື່ອຮັບປະກັນຄວາມຍືນຍົງຂອງຜະລິດຕະພັນການທ່ອງທ່ຽວແບບປະຊາຊົນມີສ່ວນຮ່ວມ.

ຮັບປະກັນ ຄຸນນະພາບ ແລະ ຄວາມຊຳນານຂອງພະນັກງານນຳທ່ຽວ ແລະ ຄຸນນະພາບຂອງລາຍການທ່ອງທ່ຽວ ແລະ ກິດຈະກຳຕ່າງໆ.

ຮັບປະກັນຄຸນນະພາບຂອງຜູ້ປະກອບການບໍລິການອາຫານ ແລະ ເຄື່ອງດື່ມ ແລະ ບໍລິການອາຫານ ແລະ ເຄື່ອງດື່ມທີ່ມີຄຸນນະພາບ.

ຮັບປະກັນຄຸນນະພາບຂອງຜູ້ໃຫ້ບໍລິການສະຖານທີ່ພັກເຊົາ ແລະ ສະຖານທີ່ພັກເຊົາຕ້ອງມີຄຸນນະພາບ.

ຜູ້ປະກອບການທຸລະກິດທ່ອງທ່ຽວມີພັນທະຕໍ່ກັບການທ່ອງທ່ຽວແບບປະຊາຊົນມີສ່ວນຮ່ວມ, ຕໍ່ກັບຊຸມຊົນ ແລະ ການປົກປັກຮັກສາທໍາມະຊາດ, ສົ່ງເສີມເສດຖະກິດທ້ອງຖິ່ນ ແລະ ສ້າງຄວາມເພິ່ງພໍໃຈ ແລະ ຄວາມປອດໄພໃຫ້ແກ່ນັກທ່ອງທ່ຽວ ແລະ ຊຸມຊົນ.

ຊຸມຊົນທ້ອງຖິ່ນຈະຕ້ອງໄດ້ເອົາໃຈໃສ່ຕໍ່ຄວາມປອດໄພຂອງນັກທ່ອງທ່ຽວ ແລະ ເຈົ້າພາບຕ້ອງມີສຸຂະພາບທີ່ແຂງແຮງ, ການຮັກສາສິະພາບຄວາມເປັນຢູ່ສະອາດສວຍງາມພ້ອມໃຫ້ການບໍລິການທີ່ດີ.

ການນໍາເອົາພູມປັນຍາຂອງຊຸມຊົນມານໍາໃຊ້ໃຫ້ມີຄວາມຫຼາກຫຼາຍ, ມີຄວາມເປັນເອກະລັກ, ໃຫ້ມີແນວຄິດທີ່ສ້າງສັນ ແລະ ການນໍາໃຊ້ເຕັກໂນໂລຊີທີ່ທັນສະໄໝໃນການໂຄສະນາປະຊາສໍາພັນວຽກການຕະຫຼາດການທ່ອງທ່ຽວຂອງຊຸມຊົນ.