ສະປາຕັ້ງຢູ່ໃນສະຖານທີ່ເຂົ້າເຖິງໄດ້ສະດວກ, ປອດໄພ ແລະ ມີພື້ນທີ່ບໍລິການ ແລະ ບ່ອນຮອງຮັບລູກຄ້າທີ່ ເໝາະສົມພຽງພໍ, ມີການຈັດການສິ່ງເສດເຫຼືອ ແລະ ນໍ້າເປື້ອນທີ່ໃຊ້ແລ້ວຢ່າງຖືກຕ້ອງຕາມສຸຂະອະນາໄມ ແລະ ມີຄວາມຮັບຜິດຊອບຕໍ່ສະພາບແວດລ້ອມ.

ການບໍາບັດດູແລ ແລະ ໃຫ້ບໍລິການທຸກຢ່າງເປັນໄປຕາມລະບຽບການຢ່າງມີຄຸນນະພາບ ແລະ ໃຫ້ການບໍລິການແບບດັ້ງເດີມ ແລະ ແບບທີ່ມີຢູ່ໃນວັດທະນະທໍາ.

ພະນັກງານທີ່ເຮັດວຽກໃນສະປາຕ້ອງຜ່ານ ແລະ ຈົບການຝຶກອົບຮົມກ່ຽວກັບຜະລິດຕະພັນ ແລະ ການບໍລິການທີ່ກ່ຽວຂ້ອງ, ມີຄຸນສົມບັດ ແລະ ສອດຄ່ອງກັບມາດຕະຖານການປະຕິບັດງານຂອງສະຖານປະກອບການ.

ຜະລິດຕະພັນທີ່ໃຊ້ເພື່ອໃຫ້ບໍລິການສະປາຕ້ອງໄປຕາມບົດບັນຢັດຂອງກົດໝາຍອາຊຽນ, ຮັບປະກັນຄວາມສະອາດ ແລະ ປອດໄພຕໍ່ສຸຂະພາບຂອງລູກຄ້າ.

ທຸກພື້ນທີ່ສະປາຕ້ອງມີເຄື່ອງມື ແລະ ອຸປະກອນທີ່ເໝາະສົມ, ສາມາດໃຊ້ການໄດ້ດີເພື່ອສາມາດໃຫ້ບໍລິການໄດ້ຢ່າງມີປະສິດທິພາບແບບມືອາຊີບ.

ຕ້ອງມີຈັນຍາບັນວິຊາຊີບ ສາມາດບໍລິຫານງານສະຖານບໍລິການສະປາໃຫ້ໄດ້ຄຸນນະພາບ ໃນລະດັບດຽວກັນກັບທີ່ໄດ້ລະບຸໄວ້ໃນມາດຕະຖານນີ້.

ສະຖານບໍລິການສະປາຕ້ອງມີນະໂຍບາຍດ້ານສິ່ງແວດລ້ອມ ທີ່ມີຄວາມຮັບຜິດຊອບ, ພະນັກງານທຸກຄົນຮັບຮູ້ ແລະ ເຂົ້າໃຈນະໂຍບາຍດັ່ງກ່າວ ແລະ ໄດ້ຈັດຕັ້ງປະຕິບັດຢ່າງແທ້ຈິງ.