ຜົນປະໂຫຍດເມື່ອທ່ານໄດ້ຮັບລາງວັນ
ໄດ້ຮັບການຍອມຮັບຈາກພາຍໃນປະເທດ ແລະ ສາກົນວ່າເປັນໂຮງແຮມທີ່ມີຄວາມຮັບຜິດຊອບສູງຕໍ່ກັບສິ່ງແວດລ້ອມ ແລະ ເປັນໂຮງແຮມທີ່ປະກອບສ່ວນເຂົ້າໃນການຊ່ວຍເຫຼືອຊຸມຊົນ.
ໂຮງແຮມຂຽວອາຊຽນໄດ້ມີການນໍາໃຊ້ພະລັງງານຢ່າງມີປະສິດທິພາບ ເຊິ່ງຈະເຮັດໃຫ້ສາມາດປະຢັດພະລັງງານໄຟຟ້າ, ປະຢັດນໍ້າ ເຊີ່ງໂດຍທົ່ວໄປແລ້ວຈະມີຜົນກໍາໄລ.
ຍ້ອນວ່ານັກທ່ອງທ່ຽວເຫັນໄດ້ເຖິງຄວາມສໍາຄັນໃນການປົກປັກຮັກສາສິ່ງແວດລ້ອມ, ປະຢັດພະລັງງານ, ແລະ ປະກອບສ່ວນໃນການປ້ອງກັນພາວະໂລກຮ້ອນ ແລະ ການປ່ຽນແປງຂອງສະພາບດິນຟ້າອາກາດ.
ຈະໄດ້ຮັບໃບຢັ້ງຢືນ ແລະ ແຜ່ນປ້າຍລາງວັນມາດຕະຖານການທ່ອງທ່ຽວອາຊຽນຢ່າງເປັນທາງການ ທີ່ສາມາດນໍາໃຊ້ໃນການສົ່ງເສີມການຕະຫຼາດ ແລະ ການຂາຍທາງອອນລາຍ ແລະ ຈະຖືກບັນຈຸເປັນລາຍຊື່ບູລິມະສິດຢູ່ໃນເວັບໄຊທ່ອງທ່ຽວທີ່ເປັນທາງການ ແລະ ຢູ່ໃນສື່ມວນຊົນໃນ ສປປ ລາວ; ໃນລະດັບສາກົນ ໂຮງແຮມດັ່ງກ່າວຈະມີລາຍຊື່ຢູ່ໃນເວັບໄຊທາງການຂອງກອງເລຂາມາດຕະຖານການທ່ອງທ່ຽວອາຊຽນ (www.asean.org) ແລະ ໄດ້ຮັບການໂຄສະນາໃນເວທີປາໄສການທ່ອງທ່ຽວອາຊຽນປະຈຳປີ, ໃນງານເທດສະການຕ່າງໆ ແລະ ໃນເວທີກອງປະຊຸມທ່ອງທ່ຽວທັງພາຍໃນ ແລະ ຕ່າງປະເທດທີ່ກ່ຽວຂ້ອງ.
