ຜົນປະໂຫຍດເມື່ອໄດ້ຮັບລາງວັນເຮືອນພັກແຮມອາຊຽນ
ກິດຈະກໍາເຮືອນພັກແຮມສາມາດປັບປຸງຄຸນນະພາບຊີວິດການເປັນຢູ່ຂອງຄົນໃນທ້ອງຖິ່ນ ໂດຍການມີລາຍໄດ້ເພີ່ມຂຶ້ນຈາກການເຂົ້າຮ່ວມກິດຈະກໍາດັ່ງກ່າວ, ສົ່ງເສີມວັດທະນະທໍາທ້ອງຖິ່ນ, ສິລະປະ ແລະ ຫັດຖະກໍາ, ສົ່ງເສີມໃຫ້ມີການຟື້ນຟູສະຖານທີ່ທ່ອງທ່ຽວທາງປະຫວັດສາດ, ສະຖານທີ່ທີ່ສໍາຄັນຂອງທ້ອງຖິ່ນ ແລະ ຜັກດັນໃຫ້ມີການອະນຸລັກທຳມະຊາດ ໂດຍການໃຫ້ການສຶກສາແກ່ຊຸມຊົນ.
ແມ່ນມີໂອກາດທີ່ຈະໄດ້ຮັບຜົນປະໂຫຍດໃນການໂຄສະນາເຂົ້າເຖິງກຸ່ມຕະຫຼາດ (ນັກທ່ອງທ່ຽວ) ໃນຖານະທີ່ໄດ້ຮັບການຮັບຮອງໃນລະດັບອາຊຽນ ແລະ ເຮັດໃຫ້ນັກທ່ອງທ່ຽວມີຄວາມເຊື່ອໝັ້ນເຂົ້າມາພັກແຮມຫຼາຍຂື້ນ.
ທີ່ສາມາດນໍາໃຊ້ໃນການສົ່ງເສີມການຕະຫຼາດ ແລະ ການຂາຍທາງອອນລາຍ ແລະ ຈະຖືກບັນຈຸເປັນລາຍຊື່ບູລິມະສິດຢູ່ໃນເວັບໄຊທ່ອງທ່ຽວທີ່ເປັນທາງການ ແລະ ເປັນທີ່ຮູ້ຈັກຫຼາຍຂຶ້ນໃນສື່ມວນຊົນໃນ ສປປ ລາວ; ໃນລະດັບສາກົນເຮືອນພັກແຮມດັ່ງກ່າວຈະຖືກບັນຈຸລາຍຊື່ຢູ່ໃນເວັບໄຊທາງການຂອງກອງເລຂາມາດຕະຖານການທ່ອງທ່ຽວອາຊຽນ (www.asean.org) ແລະ ໄດ້ຮັບການໂຄສະນາໃນເວທີປາໄສການທ່ອງທ່ຽວອາຊຽນປະຈຳປີ, ໃນງານເທດສະການຕ່າງໆ ແລະ ໃນເວທີກອງປະຊຸມທ່ອງທ່ຽວທັງພາຍໃນ ແລະ ຕ່າງປະເທດ.
