ຜົນປະໂຫຍດເມື່ອໄດ້ຮັບລາງວັນມາດຕະຖານ
ການທ່ອງທ່ຽວແບບປະຊາຊົນມີສ່ວນຮ່ວມອາຊຽນ:
ໃນຂອບເຂດທົ່ວປະເທດ ເປັນຂີດໝາຍອັນສໍາຄັນໃຫ້ນັກທ່ອງທ່ຽວໄດ້ມີຄວາມເພິ່ງພໍໃຈໃນຄຸນນະພາບຂອງການບໍລິການ ມັນຍັງເປັນການປົກປ້ອງຊຸມຊົນ, ຊັບພະຍາກອນທໍາມະຊາດ ແລະ ມໍລະດົກທາງວັດທະນະທໍາ ແລະ ຍັງເປັນການສ້າງລາຍຮັບໃຫ້ຊຸມຊົນເພື່ອປັບປຸງຊີວິດການເປັນຢູ່ໃຫ້ດີຂຶ້ນ.
ການທ່ອງທ່ຽວຜະຈົນໄພ, ການທ່ອງທ່ຽວດ້ານວັດທະນະທຳ, ການທ່ອງທ່ຽວອະນຸລັກ, ແລະການທ່ອງທ່ຽວດ້ານກະສິກຳ, ຜະລິດຕະພັນ ແລະ ການບໍລິການການທ່ອງທ່ຽວຂອງຊຸມຊົນທ້ອງຖິ່ນ ສາມາດກະຈາຍລາຍໄດ້ໃຫ້ແກ່ທຸກພາກສ່ວນທີ່ຕິດພັນກັບການທ່ອງທ່ຽວ.
ຈະໄດ້ຮັບໃບຢັ້ງຢືນ ແລະ ແຜ່ນປ້າຍລາງວັນມາດຕະຖານການທ່ອງທ່ຽວອາຊຽນຢ່າງເປັນທາງການ ທີ່ສາມາດນໍາໃຊ້ໃນການສົ່ງເສີມການຕະຫຼາດ ແລະ ການຂາຍທາງອອນລາຍ ແລະ ຈະຖືກບັນຈຸເປັນລາຍຊື່ບູລິມະສິດຢູ່ໃນເວັບໄຊທ່ອງທ່ຽວທີ່ເປັນທາງການ ແລະ ເປັນທີ່ຮູ້ຈັກຫຼາຍຂຶ້ນໃນສື່ມວນຊົນໃນ ສປປ ລາວ; ໃນລະດັບສາກົນຜູ້ປະກອບການ/ສະຖານທີ່ດັ່ງກ່າວຈະຖືກບັນຈຸລາຍຊື່ຢູ່ໃນເວັບໄຊທາງການຂອງກອງເລຂາມາດຕະຖານການທ່ອງທ່ຽວອາຊຽນ(www.asean.org) ແລະ ໄດ້ຮັບການໂຄສະນາໃນເວທີປາໄສການທ່ອງທ່ຽວອາຊຽນປະຈຳປີ, ໃນງານເທດສະການຕ່າງໆ ແລະ ໃນເວທີກອງປະຊຸມທ່ອງທ່ຽວທັງພາຍໃນ ແລະ ຕ່າງປະເທດ.
